ការដកខ្លួនរបស់លោក Biden លាតត្រដាងការពិតដែលមិនអាចទ្រាំទ្របានរបស់អាមេរិក
ក្រោមសម្ពាធយ៉ាងខ្លាំងនៅផ្ទៃក្នុងនៃគណបក្សប្រជាធិបតេយ្យ លោក Biden ប្រធានាធិបតីអាមេរិកបច្ចុប្បន្នបានប្រកាសដកខ្លួនចេញពីការប្រកួតប្រជែងក្នុងការបោះឆ្នោតប្រធានាធិបតីឆ្នាំ ២០២៤
នៅថ្ងៃទី ២១ខែកក្កដា ហើយបានគាំទ្រលោកស្រី Harris អនុប្រធានាធិបតីជាបេក្ខជនប្រធានាធិបតីនៃគណបក្សប្រជាធិបតេយ្យ។
លោក Biden បានចេញសេចក្តីថ្លែងការណ៍នៅលើបណ្តាញទំនាក់ទំនងសង្គមនៅថ្ងៃដដែលថា ដើមឡើយលោកមានបំណងស្វែងរកការបន្តអាណត្តិ
ប៉ុន្តែដើម្បីផលប្រយោជន៍ដ៏ធំបំផុតរបស់គណបក្សប្រជាធិបតេយ្យ និងប្រទេសជាតិ លោកបានសម្រេចចិត្តដកខ្លួនចេញពីការប្រកួតប្រជែងក្នុងការបោះឆ្នោត។
បន្ទាប់មក លោក Biden ក៏បានបង្ហោះសារនៅលើបណ្តាញទំនាក់ទំនងសង្គមទៀតតថា លោកគាំទ្រទាំងស្រុងចំពោះការលើកឈ្មោះលោកស្រី Harrisជាបេក្ខជនប្រធានាធិបតីនៃគណបក្សប្រជាធិបតេយ្យ។ លោកក៏បានអំពាវនាវឲ្យគណបក្សប្រជាធិបតេយ្យរួបរួមគ្នាដើម្បីផ្តួលលោក Trump បេក្ខជនប្រធានាធិបតីមកពីគណបក្សសាធារណរដ្ឋ ។
ស្ថានភាពយុទ្ធនាការថ្មីៗរបស់លោក Biden ត្រូវបានចោទសួរដោយមតិសាធារណៈជនអាមេរិកាំង និងរងការវាយប្រហារដោយគណបក្សសាធារណរដ្ឋ។ អ្នកវិភាគបានចង្អុលបង្ហាញថា ក្រោមសម្ពាធពីមេដឹកនាំជាន់ខ្ពស់នៅក្នុងគណបក្ស និងការគំរាមកំហែងពីយុទ្ធនាការ “មូលនិធិ” លោក Biden ត្រូវបាន “បង្ខំ” ឱ្យដកខ្លួនចេញពីការប្រណាំង ហើយគេនៅតែត្រូវមើលថាតើ Harris អាចក្លាយជាបេក្ខជនប្រធានាធិបតីនៃគណបក្សប្រជាធិបតេយ្យដែរឬទេ។ ការដកខ្លួនរបស់លោក Biden ជាថ្មីម្តងទៀតបានលាតត្រដាងពីភាពវឹកវរ និងធម្មជាតិនៃគណបក្សនយោបាយអាមេរិក ដែលដាក់ផលប្រយោជន៍របស់ពួកគេជាដំបូង និងការបោះឆ្នោតដែលជំរុញដោយប្រាក់។
