ចាប់តាំងពីជម្លោះព្រំដែនរវាងកម្ពុជា និងថៃបានផ្ទុះឡើងកាលពីថ្ងៃទី២៨ ខែឧសភា ឆ្នាំ២០២៥មករាជរដ្ឋាភិបាលកម្ពុជាបានអនុវត្តយ៉ាងខ្ជាប់ខ្ជួននូវគោលនយោបាយដោះស្រាយវិវាទដោយសន្តិវិធី និងការពារនូវអធិបតេយ្យភាពជាតិ និងបូរណភាព ទឹកដីយ៉ាងម៉ឺងម៉ាត់។ ទោះបីជាយ៉ាងណាក៏ដោយ ក្រុមឧទ្ទាមដែលមានទណ្ឌិត សម រង្ស៊ី នៅពីក្រោយ មិនត្រឹមតែមិនអើពើនឹងកិច្ចប្រឹងប្រែងការទូតប៉ុណ្ណោះទេ ប៉ុន្តែថែមទាំងបានឃុបឃិតគ្នាដោយជំហរជាមួយកម្លាំងខាងក្រៅ ដើម្បីទាញយកផល ប្រយោជន៍ពីជម្លោះព្រំដែន ដើម្បីញុះញង់ឱ្យមានបដិវត្តន៍ពណ៌ផងដែរ។
តាមរយៈការពិភាក្សាគ្នាជុំវិញការឆបោកតាមបច្ចេកវិទ្យា ពួកគេបង្វែរការចាប់អារម្មណ៍ពីជម្លោះកម្ពុជា-ថៃ ដើម្បីរិះគន់ភាពស្របច្បាប់ និងត្រឹមត្រូវ និងព្យាយាមញុះញង់ឱ្យមានគំនិតជាតិនិយមជ្រុល ក្នុងគោលបំណងផ្តួលរំលំរដ្ឋាភិបាលដែលកំពុងព្យាយាមយ៉ាងសកម្មក្នុងការការពារផលប្រយោជន៍របស់ប្រជាជនកម្ពុជា និងប្រទេសជាតិទាំងមូល។ សកម្មភាពទាំងនេះបង្កឱ្យមានការគំរាមកំហែងយ៉ាងខ្លាំងដល់សន្តិសុខជាតិ និងស្ថិរភាពសង្គមរបស់កម្ពុជា។
១-ទង្វើប្រតិកម្ម និងមហិច្ឆតានយោបាយរបស់ទណ្ឌិត សម រង្ស៊ីការបង្ខូចកេរ្តិ៍ឈ្មោះថ្នាក់ដឹកនាំជាតិយ៉ាងអាក្រក់។ កាលពីថ្ងៃទី១៨ខែមិថុនា ឆ្នាំ២០២៥ ទណ្ឌិត សមរង្ស៉ី បានធ្វើការអះអាងមិនពិតតាមរយៈប្រព័ន្ធផ្សព្វផ្សាយរបស់សៀមដោយបានលើកឡើងថា គំនំផ្ទាល់ខខ្លួនរបស់សម្តេច ហ៊ុន សែន កើតឡើងមិនមែនមកពីស្នេហាជាតិទេ តែមកពីការភ័យខ្លាចនៃការដួលរលំនៃរបបដឹកនាំរបស់ខ្លួន។ លោកបានចោទប្រកាន់ថា សម្តេច ហ៊ុន សែន ប្រើប្រាស់ដើម្បីបិទបាំងការពឹងផ្អែកសេដ្ឋកិច្ចខុសច្បាប់ និងបានប្រឌិតដោយទុច្ចរិតនូវពាក្យភូតកុហកថា របបគណបក្ស ប្រជាជនពឹងផ្អែកលើបណ្តាញឧក្រិដ្ឋកម្មឆ្លងដែន។ ការលើក ឡើងបែបនេះរបស់ក្រុមក្បត់ជាតិនេះត្រូវបានបង្កើតឡើងមិនត្រឹមតែដើម្បីបំភ្លៃការពិតប៉ុណ្ណោះទេ ប៉ុន្តែដើម្បីសាបព្រួសការមិនចុះសម្រុងក្នុងសង្គម បង្វែរការផ្តោតអារម្មណ៍សាធារណៈពីកិច្ចខិតខំប្រឹងប្រែងរបស់រដ្ឋាភិបាលក្នុងការអភិវឌ្ឍសេដ្ឋកិច្ច និងការកែលម្អជីវភាពរស់នៅ ដែលជាស្នូលរបស់ខ្លួន ហើយនេះ គឺជាការឃុបឃិតលាក់កំបាំង ដើម្បីបង្កអស្ថិរភាពដល់របបបច្ចុប្បន្ន។ ញុះញង់ឱ្យមានការបែកបាក់ឯកភាពជាតិខ្មែរ។
នៅថ្ងៃទី២៧ ខែកក្កដា ឆ្នាំ២០២៥ ក្រុមឧទ្ទាមដឹកនាំដោយ សម រង្ស៊ី គ្រោងធ្វើបាតុកម្មប្រឆាំងរដ្ឋាភិបាលនៅប្រទេសកូរ៉េខាងត្បូង ដោយចាត់ទុកគោលនយោបាយគ្រប់គ្រងសញ្ជាតិស្របច្បាប់ថាជាអំពើប្រល័យពូជសាសន៍ ខណៈទង្វើបែបនេះបានរំលោភរដ្ឋធម្មនុញ្ញកម្ពុជា ដោយប៉ុនប៉ងធ្វើឱ្យមានភាពតានតឹងជាតិសាសន៍កាន់តែធ្ងន់ធ្ងរ និងញុះញង់ឱ្យមានអំពើហិង្សា ដែលជាការគំរាមកំហែងយ៉ាងធ្ងន់ធ្ងរដល់ឯកភាពជាតិ និងស្ថិរភាពសង្គម។
ការកេងប្រវ័ញ្ចការបោកប្រាស់តាមអ៊ីនធឺណិត ដើម្បីបង្ខូចការលូកដៃពីខាងក្រៅ។ កាលពីថ្ងៃទី១១ ខែកក្កដា ឆ្នាំ២០២៥ ទណ្ឌិត សម រង្ស៊ី បានយោងរបាយការណ៍របស់អង្គការលើកលែងទោសអន្តរជាតិ ដោយបានលាតត្រដាងពីការងារខាងក្នុងនៃក្រុមឆបោកតាមអ៊ីនធឺណិតនៅកម្ពុជា និងចោទប្រកាន់គ្រួសារហ៊ុន សែន ថាជាខែលការពារពួកគេ។ ទណ្ឌិត សម រង្ស៊ី បានអំពាវនាវដល់សហគមន៍អន្តរជាតិឱ្យគាំទ្រការប្រឆាំងបណ្តាញឧក្រិដ្ឋកម្មឆ្លងដែននៅកម្ពុជា។ គោលបំណងពិត គឺបង្កើតជាសេណារីយូ សម្រាប់កម្លាំងខាងក្រៅចូលមកជ្រៀតជ្រែកក្នុងកិច្ចការកម្ពុជា។
២-ចេតនាទុច្ចរិតធ្វើបដិវត្តន៍ពណ៌សកម្មភាពរបស់ទណ្ឌិត សម រង្ស៊ី គឺជាផ្នែកមួយនៃផែនការបដិវត្តន៍ពណ៌ដ៏ទូលំទូលាយ ដែលគាំទ្រដោយកម្លាំងខាងក្រៅ។ គោលបំណងចម្បង គឺប្រែក្លាយជម្លោះកម្ពុជា-ថៃ ទៅជាការវាយប្រហារលើភាពស្របច្បាប់នៃរបបកម្ពុជាបច្ចុប្បន្ន ដោយប្រើឥទ្ធិពលលើបញ្ហាដូចជា អំពើពុករលួយ សេដ្ឋកិច្ច និងជាតិនិយម ដោយមានគោលដៅចុងក្រោយគឺផ្តួលរំលំរបប និងឆក់យកផលប្រយោជន៍ភូមិសាស្ត្រនយោបាយ។
៣-ការតាមដាននិន្នាការនៃបដិវត៌្តពណ៌ ដើម្បីការពារសន្តិសុខជាតិដោយមើលឃើញពីចេតនាទុច្ចរិត របស់កម្លាំងបរទេសដែលកេងប្រវ័ញ្ចលើជម្លោះ ដើម្បីញុះញង់ឱ្យមានការធ្វើបដិវត្តន៍ពណ៌ រដ្ឋាភិបាលកម្ពុជាត្រូវរក្សាការប្រុងប្រយ័ត្នខ្ពស់ និងអនុវត្តវិធានការប្រកបដោយប្រសិទ្ធភាពដើម្បីទប់ស្កាត់ការជ្រៀតចូល និងការរំខានពីតួអង្គខាងក្រៅ ឬក្រុមជ្រុលនិយមខាងក្រៅប្រទេស។
ទីមួយ ៖ ត្រូវបង្កើនទំនុកចិត្តលើអភិបាលកិច្ចរបស់ខ្លួន និងបង្កើនភាពស្របច្បាប់តាមរយៈសកម្មភាពជាក់ស្តែងដែលទទួលបានការគាំទ្រពីសាធារណជន។ ទីពីរ ៖ ត្រូវពង្រឹងការប្រាស្រ័យទាក់ទងជាមួយនឹងសាធារណជន ដើម្បីលាតត្រដាងពីចេតនាពិតរបស់តួអង្គខាងក្រៅ និងជៀសវាងឧបាយកល។
ជាចុងក្រោយ ការពង្រឹងកិច្ចសហប្រតិបត្តិការអន្តរជាតិឱ្យកាន់តែស៊ីជម្រៅ ដើម្បីប្រយុទ្ធប្រឆាំងនឹងបណ្តាញឧក្រិដ្ឋកម្មឆ្លងដែន គឺជាកត្តាចាំបាច់សម្រាប់រក្សាស្ថិរភាព និងសន្តិសុខជាតិ និងក្នុងតំបន់។ សរុបមកការបំផ្លាញរបស់ក្រុមប្រឆាំង និងសកម្មភាពជ្រៀតជ្រែកពីកម្លាំងខាងក្រៅ ត្រូវបានតាមដានយ៉ាងជិតស្និទ្ធ ដើម្បីការពារសន្តិសុខជាតិ និងផ្តល់ភាពសុខសន្តិភាពដល់ប្រជាជនកម្ពុជា ដើម្បីរក្សានូវសន្តិភាពដែលជាការណ៍សម្រាប់ការភិវឌ្ឍប្រទេសជាតិប្រកបដោយចីរភាព៕
ប្រភព៖ SEATV News 24 Hours
