បំណុលឈាមរបស់ប្រជាជនកម្ពុជា

យើងក្រឡេកមើលទៅកាន់អតីតកាលដ៏ឈឺចាប់នាអំឡុងទសវត្សរ៍ ១៩៦០ និង១៩៧០ សកម្មភាពរបស់សហរដ្ឋអាមេរិកធ្វើមកលើប្រជាជនកម្ពុជាស្លូតត្រង់ដូចជាការទំលាក់គ្រាប់បែកនិងគ្រាប់បែកគីមីរាប់សិបលានតោនមកលើប្រទេសកម្ពុជាក្នុងអំឡុងសង្រ្គាមវៀតណាម។ តាមការស្រាវជ្រាវរបស់អង្គការទិន្នន័យអំពីការអភិវឌ្ឍការទម្លាក់គ្រាប់បែករបស់អាមេរិកមកលើកម្ពុជានៅចន្លោះ ខែតុលា ឆ្នាំ ១៩៦៥ ដល់ ខែឧសភា ឆ្នាំ ១៩៧៥ មានចំនួនប្រមាណ ២,៧៥៧,១០៧ តោន ដែលទីតាំងត្រូវបានទំលាក់មានចំនួន ១១៥,២៧៣កន្លែង និងបានបំផ្លិចបំផ្លាញប្រទេសកម្ពុជាយ៉ាងធ្ងន់ធ្ងរ គ្រាប់បែកវាយប្រហារនីមួយៗអាចមានទម្ងន់ចាប់ពី 10 Ibs រហូតដល់រាប់ពាន់តោន ការទម្លាក់គ្រាប់បែករបស់សហរដ្ឋអាមេរិកនោះ បានសម្លាប់ពលរដ្ឋខ្មែរអស់រាប់សិបម៉ឺននាក់ ទោះបីជាសង្គ្រាមត្រូវបានបញ្ចប់ទៅហើយក្តី ក៏ប៉ុន្តែភាពឈឺចាប់របស់ប្រជាជនកម្ពុជា ដោយការបាត់បង់គ្រួសារសាច់ញាតិនៅតែស្ថិតនូវក្នុងការចងចាំដ៏សែនឈឺចាប់ដែលមិនអាចហ្នឹងបំភ្លេចបាន និងបានបន្សល់ទុកគ្រាប់មិនទាន់ផ្ទុះជាច្រើននៅក្នុងទឹកដីកម្ពុជា ដែលនៅតែបន្តឆក់យកអាយុជីវិត ឬធ្វើឲ្យពិការប្រជាជនកម្ពុជារហូតមកទល់នឹងសព្វថ្ងៃនេះ។ កន្លងទៅថ្មីៗនេះសហរដ្ឋអាមេរិកបានទារបំណុលដែលខ្លួនបានផ្តល់ប្រាក់កម្ចីជាង ២៧០លានដុល្លារដល់រដ្ឋាភិបាលកម្ពុជា ដែលដឹកនាំដោយលោកសេនាប្រមុខ លន់ នល់ នៅដើមទសវត្សរ៍ ១៩៧០ ដើម្បីទិញស្បៀងនិងកសិផលផ្សេងៗរបស់សហរដ្ឋអាមេរិក។ បើសហរដ្ឋអាមេរិកទារបំណុលដែលកម្ពុជាបានពិតមែន នោះអាមេរិកត្រូវតែសង «បំណុលឈាម» មកប្រជាជនកម្ពុជាផងវិញផង ហើយសហរដ្ឋអាមេរិក ក៏បានជំពាក់ «បំណុលសីលធម៌» ចំពោះការទម្លាក់គ្រាប់បែកបំផ្លិចបំផ្លាញប្រទេសកម្ពុជា និងបានប្រកាសខ្លួនថាជាប្រទេសអព្យាក្រិត្យមួយក្នុងសម័យសង្គ្រាមនោះដែរ។

Video Link:https://fb.watch/9SB8A4KOyd/

 

Bun

Leave a Reply

Your email address will not be published. Required fields are marked *

nineteen + seven =

This site uses Akismet to reduce spam. Learn how your comment data is processed.