ចាប់តាំងពីជម្លោះព្រំដែនរវាងកម្ពុជា និងថៃបានផ្ទុះឡើងកាលពីថ្ងៃទី២៨ ខែឧសភា ឆ្នាំ២០២៥មករាជរដ្ឋាភិបាលកម្ពុជាបានអនុវត្តយ៉ាងខ្ជាប់ខ្ជួននូវគោលនយោបាយដោះស្រាយវិវាទដោយសន្តិវិធី និងការពារនូវអធិបតេយ្យភាពជាតិ និងបូរណភាព ទឹកដីយ៉ាងម៉ឺងម៉ាត់។ ទោះបីជាយ៉ាងណាក៏ដោយ ក្រុមឧទ្ទាមដែលមានទណ្ឌិត សម រង្ស៊ី នៅពីក្រោយ មិនត្រឹមតែមិនអើពើនឹងកិច្ចប្រឹងប្រែងការទូតប៉ុណ្ណោះទេ ប៉ុន្តែថែមទាំងបានឃុបឃិតគ្នាដោយជំហរជាមួយកម្លាំងខាងក្រៅ ដើម្បីទាញយកផល ប្រយោជន៍ពីជម្លោះព្រំដែន ដើម្បីញុះញង់ឱ្យមានបដិវត្តន៍ពណ៌ផងដែរ។ តាមរយៈការពិភាក្សាគ្នាជុំវិញការឆបោកតាមបច្ចេកវិទ្យា ពួកគេបង្វែរការចាប់អារម្មណ៍ពីជម្លោះកម្ពុជា-ថៃ ដើម្បីរិះគន់ភាពស្របច្បាប់ និងត្រឹមត្រូវ និងព្យាយាមញុះញង់ឱ្យមានគំនិតជាតិនិយមជ្រុល ក្នុងគោលបំណងផ្តួលរំលំរដ្ឋាភិបាលដែលកំពុងព្យាយាមយ៉ាងសកម្មក្នុងការការពារផលប្រយោជន៍របស់ប្រជាជនកម្ពុជា និងប្រទេសជាតិទាំងមូល។...

ការធ្វើវិសោធនកម្មច្បាប់ដកសញ្ជាតិទៅលើជនទាំងឡាយណាដែលក្បត់នឹងប្រយោជន៍ជាតិខ្មែរ គឺជាការពង្រឹងប្រព័ន្ធច្បាប់នៅកម្ពុជាឱ្យកាន់តែរឹងមាំថែមទៀត បន្ថែមលើការធានានូវសុខសន្តិភាព សណ្តាប់ធ្នាប់សង្គម ម៉្យាងទៀត គឺជាការបន្សុទ្ធខ្មែរអ្នកស្នេហាជាតិពិតប្រាកដ ដើម្បីរួមគ្នាកសាង អភិវឌ្ឍប្រទេសជាតិឱ្យកាន់តែរីកចម្រើនរុងរឿង។ តាមរយៈច្បាប់ថ្មី ក្រោយពីធ្វើវិសោធនកម្មរួចរាល់ និងអនុម័តឱ្យប្រើប្រាស់ ក៏នឹងលាតត្រដាងឱ្យឃើញច្បាស់នូវមុខមាត់ពិតប្រាកដរបស់ជនក្បត់ជាតិមួយចំនួនដែលជ្រកកោន ពួនបន្លំធ្វើជាក្រុមវីរបុរស-វីរនារីជើងឯកស្នេហាជាតិ ខណៈដែលពួកគេ នាំគ្នារត់ចោលស្រុកពីព្រោះតែប្រព្រឹត្តបទល្មើសក្នុងសំណុំរឿងធ្ងន់ធ្ងរជាច្រើនករណី។ ច្បាប់នេះ គឺជាវិធានដ៏ចាំបាច់សម្រាប់បង្ការនិងទប់ស្កាត់ទុកជាមុនផងដែរ ដើម្បីកុំឲ្យមានជនក្បត់ជាតិណាមួយកើតមានឡើងនៅក្នុងប្រទេសកម្ពុជា ខណៈដែលមានក្រុមជ្រុលនិយមមួយចំនួនមានជាតិសាសន៍ដើមជាខ្មែរសោះ តែរត់ទៅរស់នៅឯបរទេស និងមានសញ្ជាតិផ្សេងៗទៀត ហើយពួកគេបែរជាយកទីតាំងនៅក្រៅប្រទេសទាំងនោះ ធ្វើជាទីកន្លែងបង្អែក ដើម្បីបង្កចលាចល...

លោក ថុង ម៉េងដាវិត អ្នកសិក្សាស្រាវជ្រាវ និងអ្នកវិភាគភូមិសាស្រ្តនយោបាយ បានលើកឡើងថា កាលពីថ្ងៃទី២ ខែកក្កដា កន្លងមកនេះ សហរដ្ឋអាមេរិកនិងវៀតណាម បានសម្រេចកិច្ចព្រមព្រៀងបដិកាពន្ធ ដែលរួមមានការយកពន្ធ ២០% ទៅ៤០% លើទំនិញវៀតណាមទៅកាន់សហរដ្ឋអាមេរិក ជាការដោះដូរទៅនឹងការនាំចូលទំនិញអាមេរិកចូលទៅវៀតណាមក្នុងកម្រិតពន្ធ០%។ នេះគឺជាអត្រាពន្ធគយដ៏ទាបបំផុតសម្រាប់បណ្តាប្រទេសអាស៊ាន បើប្រៀបធៀបទៅនឹងកម្ពុជានិងថៃ ៣៦% មីយ៉ាន់ម៉ានិងឡាវ ៤០% ឥណ្ឌូណេស៊ី ៣២% និងម៉ាឡេស៊ី...