ប្រធានាធិបតីសហរដ្ឋអាមេរិក លោកដូណាល់ ត្រាំ បានប្រកាសជាផ្លូវការថា សហរដ្ឋអាមេរិកនឹងដកខ្លួនចេញពីអង្គការសហប្រជាជាតិ និងអង្គការអន្តរជាតិចំនួន៦៦ ដែលមើលឃើញថាមិនបម្រើតាមផលប្រយោជន៍ជាតិរបស់សហរដ្ឋអាមេរិកទេ។ តាមសេចក្តីថ្លែងការណ៍ពីសេតវិមាន ការសម្រេចចិត្តនេះគឺជាការយុទ្ធសាស្ត្រមួយដើម្បីការពារអធិបតេយ្យភាព ប្រសិទ្ធភាពសេដ្ឋកិច្ច និងសន្តិសុខជាតិនៃសហរដ្ឋអាមេរិក។ សេតវិមានបានបញ្ជាក់ថា អនុស្សរណៈថ្មីនេះនឹងបញ្ជាឱ្យនាយកដ្ឋានប្រតិបត្តិ និងទីភ្នាក់ងារទាំងអស់ពាក់ព័ន្ធ បញ្ឈប់ការចូលរួម និងផ្តល់មូលនិធិដល់អង្គភាពសហប្រជាជាតិចំនួន៣៥ និងអង្គភាពតាមរយៈសហប្រជាជាតិចំនួន៣១ ផ្សេងទៀត។ សេចក្តីថ្លែងការណ៍បានបន្ថែមថា សកម្មភាពនេះមានបំណងដើម្បីបញ្ចប់ការចំណាយប្រាក់សាធារណៈលើអង្គការដែលប្រើប្រាស់ធនធានដោយគ្មានប្រសិទ្ធភាព ឬជំរុញនូវគោលនយោបាយសកលនិយមដែលទាស់នឹងអាទិភាព “អាមេរិកមុនគេ” របស់រដ្ឋាភិបាលត្រាំ។ លោកត្រាំឲ្យដឹងថា...