នៅពេលដែលពិភពលោក កំពុងស្វែងរកគំរូដឹកនាំរបស់បុគ្គលដ៏ឆ្នើម ដែលបានទុកស្នាដៃជាប្រវត្តិសាស្ត្រ, សម្តេចព្រះនរោត្តម សីហនុ បានក្លាយជាគំរូដ៏លេចធ្លោមួយ ដែលគួរឲ្យកោតគោរព និងរៀនសូត្រតាម។ ទោះបីព្រះអង្គបានសោយសុខក្នុងព្រះរាជសុគតិភពក៏ដោយ ក៏ព្រះរាជសកម្មភាព ដែលបានបន្សល់ទុកនៅតែបញ្ចេញពន្លឺរះ ឆ្លុះបញ្ចាំងជាមេរៀនដ៏អស្ចារ្យសម្រាប់ពិភពលោក និងជាប្រភពនៃសេចក្ដីស្រឡាញ់សន្តិភាពរបស់ប្រជាជនខ្មែរជានិច្ច។ Fresh Exclusive មានអត្ថបទស៊ីជម្រៅជុំវិញបញ្ហានេះ៖ នៅរៀងរាល់ថ្ងៃទី១៥ ខែតុលា ប្រជាជនកម្ពុជា និងប្រជាជាតិមិត្តភក្តិទូទាំងពិភពលោក តែងចំណាយពេលដ៏មានអត្ថន័យសំខាន់ ដើម្បីរំលឹកនិងថ្លែងផ្តល់ព្រះកិត្ដិយសដល់អតីតព្រះមហាក្សត្រដ៏អស្ចារ្យមួយព្រះអង្គ ដែលព្រះកិត្តិនាមនៅតែបញ្ចេញពន្លឺរះជានិច្ច ក្នុងប្រវត្តិសាស្ត្រមនុស្សជាតិ...

ជម្លោះព្រំដែនរវាងកម្ពុជា-ថៃ បានធ្វើឱ្យប្រជាជនកម្ពុជាកើតទុក្ខមិនសុខចិត្ដ ដ្បិតរងការប្រមាថគ្រប់បែបយ៉ាងពីសំណាក់ភាគីថៃ។ ក្រោយបទឈប់បាញ់បានចូលជាធរមានកាលពីម៉ោង១២យប់ ថ្ងៃទី២៨ ខែកក្កដា ឆ្នាំ២០២៥ កម្ពុជាបានអនុវត្ដយ៉ាងខ្ជាប់នូវបទឈប់បាញ់នេះ ប៉ុន្ដែទាហានថៃបានបំពានម្ដងហើយម្ដងទៀត រហូតដល់ចូលរាយលួសបន្លាលើទឹកដីកម្ពុជា និងធ្វើសកម្មភាពបំពាននានា ធ្វើឱ្យប្រជាពលរដ្ឋ អ្នកនយោបាយក្នុងស្រុកគ្រប់និន្នាការរួមគ្នាជាធ្លុងមួយប្រឆាំងសត្រូវឈ្លានពានប្រទេសជាតិ។ ប៉ុន្ដែសម្រាប់ក្រុមអ្នកនយោបាយជ្រុលនិយមប្រឆាំងកម្ពុជាដែលស្ថិតនៅក្រៅប្រទេស ហាក់ដើរផ្ទុយពីប្រជាពលរដ្ឋនិងអ្នកនយោបាយប្រឆាំងក្នុងស្រុក។ ពលរដ្ឋនិងអ្នកនយោបាយក្នុងស្រុកថ្កោលទោសទាហានថៃ ប៉ុន្ដែមេដឹកនាំចលនាប្រឆាំងក្រៅប្រទេស គឺទណ្ឌិត សម រង្ស៊ី បែរជាកោតរសរសើរទាហានថៃ ថាបានបាញ់មកកម្ពុជាចំគោលដៅល្អ ហើយបន្ទោសទាហានកម្ពុជាថាបាញ់មិនចំគោលដៅ ធ្វើឱ្យប៉ះពាល់ដល់ពលរដ្ឋថៃទៅវិញ។...